?

Log in

No account? Create an account

sobor_voronezh


О Соборе Воронежских святых


Previous Entry Share Next Entry
Тропари и кондаки святителю Антонию (Смирницкому), архиепископу Воронежскому и Задонскому (+1847)
sobor_voronezh
Тропарь, глас 4

Предивнаго житель селения Божия Матери, / от Небесныя смирением изрядно украшаемь, / Воронежу третие светило благодати, / святых Митрофана и Тихона сонаследниче, / святителю отче наш Антоние, / моли Милостивого Бога / граду твоему мир даровати, / Отечеству утверждение // и душам верных спасение.


Ин тропарь, глас 8.

Православия наставниче, чистоты зерцало, / монашеского жития ревнителю и нищих питателю, / отеческаго попечения о пастве твоей добрый образе, / от юности себе смиривый и десницею Христовою в славу святых возвышенный, / земли Воронежской украшение, Антоние отче наш / в трудех святительских Митрофану и Тихону поревновавый, / с нимиже в небесех ныне ликуя, нас поминай, моляся Спасу // всех мир мирови даровати и душам нашим велию милость.


Кондак, глас 3

От юности твоея всего себе Господеви отдал еси, / в пещерах Киевских богомудренно пребывая, / и оттуду во епископа пастве Воронежстей поставленный, / святителю Христов Антоние всечестне, / в трудех, бдениих и молитвах добле подвизался еси. / И тако во смирении достиг добродетелей совершенства / и Церкви Святей истинного послушания, / паки в Небесныя Обители вселился еси, / с великими во святых Митрофаном и Тихоном, предстоя Престолу Христову, / Владыку Спаса всех моли, // оставление грехов получити нам и велию милость.


Ин кондак, глас 3

Днесь земля Воронежская веселия исполняется, / во иерарсех великаго Антония память чествующи: / той бо любовию Христовою воспламенився, / молитвами, бдением и пощением храм Духа Святаго себе устроил еси, / от Негоже вразумляем, паству церковную премедре упасл еси; / мы же, таковаго ходатая ко Христу Богу имуще, с верою вопием: // спасай нас молитвами твоими, Антоние отче наш.


Службу совершаем по Минее общей: глава 10. Служба святителю единому