О Соборе Воронежских святых (sobor_voronezh) wrote,
О Соборе Воронежских святых
sobor_voronezh

Тропарь и кондак преподобному Илариону Оптинскому (†1873),

Тропарь, глас 4:

Божественный врачеватель страстей, / веры искусный кормчий воистину, / благодать исцелений приял еси от Господа всех Царя, / Иларионе отче предивне, / и на демонов одолительныя победы, / вся тайная обличил еси / и еретичествующих умыслы разорив. / Темже молися Христу / от прелести диавольской мир избавити // и спасти души наша.


Ин тропарь, глас 2:

Велия веры твоея исправление, / во источниче молитв твоих яко на воде упокоения / дух твой, отче Иларионе, радовашеся, / огнем бо веры попалил еси еретическую тьму / и студных лжевещателей предал суду, / во правоверии утвердил еси иночествующия полки. / Темже святе, молися Христу // мир даровати и просвещение душам нашим.


Кондак глас 2:

Разсуждения светильник, / глубины сердца испытал еси, / мерило праведное благодать Духа стяжав, / совесть соблюл еси чисту / и просветив инок сословие, / целебник явился еси душевных страстей, / Иларионе Богомудре, / от бед и обстояний огради стадо твое, // любовию тя славящее.


Службу совершаем по Минее общей, главе 12: Служба преподобному единому.

Tags: Воронежское, богослужебные тексты
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments